வேல்ட் லயன்ஸ் அணி வெற்றி

கல்பிட்டியில் நடைபெற்ற மென்பந்து கிரிக்கெட் சுற்றுப் போட்டியில் வேல்ட் லயன்ஸ் அணி வெற்றி பெற்று சம்பியனாகியது.

அணிக்கு 8 பேர் கொண்ட இந்த மென்பந்து கிரிக்கெட் சுற்று போட்டி கல்பிட்டி அல் அக்ஸா தேசிய பாடசாலை மைதானத்தில் கடந்த ஞாயிற்றுக்கிழமை (17) நடைபெற்றது.

இறுதிப்போட்டிக்கு வேல்ட் லயன்ஸ் அணி மற்றும் சைனிங் ஸ்டார்ஸ் அணிகள் தெரிவாகின. நாணய சுழற்சியில் வெற்றி பெற்ற சைனிங் ஸ்டார்ஸ் முதலில் துடுப்பெடுத்தாடி 04 ஓவர்கள் நிறைவில் 26 ஓட்டங்களை பெற்றது.

பதிலெடுத்தாடிய வேல்ட் லயன்ஸ் அணியினர் 1 ஓவர் 3 பந்துகளில் 27 ஓட்டங்களைப் பெற்று இச்சுற்று தொடரில் இலகுவாக சம்பியன் மகுடத்தை தனதாக்கினர்.

இச்சுற்று தொடரின் தொடர் நாயகன் விருதை வேல்ட் லயன்ஸ் அணியின் ஜப்ரிஸ் பெற்றுக் கொண்டார்.