பிரீமா அனுசரணையில் நடைபெறும் 15 வயதுக்கு உட்பட்ட இலங்கை இளையோர் லீக் தொடர் நாளை (21) ஆரம்பமாகவுள்ளது.
இலங்கை கிரிக்கெட் சபையால் நடத்தப்படும் 50 ஓவர்கள் கொண்ட இந்தத் தொடர் பற்றி அறிவிக்கும் ஊடக சந்திப்பு கொழும்பு மெர்கன்டைல் கிரிக்கெட் சங்கத்தில் நேற்று முன்தினம் (18) இடம்பெற்றது. இதில் பிரீமா குழுமம் மீண்டும் ஒருமுறை தனது அனுசரணையை அறிவித்தது. இந்த இளையோர் கிரிக்கெட் தொடருக்கு 2007 தொடக்கம் பிரீமா அனுசரணை வழங்குகின்றமை குறிப்பிடத்தக்கது.
கொழும்பு வடக்கு, கொழும்பு தெற்கு, தம்புள்ளை, காலி மற்றும் கண்டி என ஐந்து மாகாண அணிகளுடன் நடைபெறும் இந்தத் தொடர் கொழும்பில் உள்ள பல மைதானங்களிலும் 50 ஓவர் போட்டியாகவே இடம்பெறவுள்ளது. தொடரின் அரையிறுதிப் போட்டிகள் நவம்பர் 28 ஆம் திகதி நடைபெறவுள்ளதோடு இறுதிப் போட்டி நவம்பர் 30 ஆம் திகதி இடம்பெறும். இளம் வீரர்களின் திறமையை அடையாளம் காணும் வகையிலேயே இந்தத் தொடர் நடைபெறுகின்றமை குறிப்பிடத்தக்கது.
