‘கலாபூஷண பூமி புத்ர தேசபந்து’ கௌரவப்பட்டம் வழங்கிவைப்பு

கவிஞர் கலைக்கீற்று, செ.க.முகமட் ஹுசைனுக்கு ‘கலாபூஷண பூமி புத்ர தேசபந்து’ என்னும் கௌரவப்பட்டம் வழங்கப்பட்டுள்ளது.

பண்டாரநாயக்கா ஞாபகார்த்த மண்டபத்தில், சர்வதேச மனித உரிமைகள் ஆணைக்குழு, மனித உரிமைகள் பாதுகாப்பு அமைப்பு மற்றும் பௌத்த சம்மேளனம் கலைஅரண் அமைப்பு ஆகியன இணைந்து இந்த கௌரவப்பட்டத்தை வழங்கியுள்ளன.

கவிஞர் கலைக்கீற்று செ.க.முகமட் ஹுசைன், மன்னார் – மடு பிரதேச செயலகப் பிரிவிலுள்ள மதீனா நகர், காக்கையன் குளம், இரணை இலுப்பைக்குளத்தைச் சேர்ந்தவராவார். கலைக்கு சேவையாற்றிவரும் இவர், பட்டிமன்றப் பேச்சாளர் என்பதுடன், 2020 இல் ‘மறுபடியும்’ மற்றும் 2024 இல் உலக சாதனை வெளியீடாக ‘தரையைத் தொடாத மழைத்துளி’ என்ற கவிதை நூல் வெளியீடுகளையும் செய்திருந்தார்.