பதுளை மாவட்டத்தில் இரு தமிழ் பிரதிநிதிகள் பாராளுமன்றத்திற்கு தெரிவு

பதுளை மாவட்ட 10ஆவது பாராளுமன்றத் தேர்தல் முடிவுகளின் படி,தேசிய மக்கள் சக்தி 6 ஆசனங்களை கைப்பற்றி வெற்றியை தனதாக்கியுள்ளது.

ஐக்கிய மக்கள் சக்தி 2 ஆசனங்களையும் ,புதிய ஜனநாயக முன்னணி 1 ஆசனத்தையும் பெற்றுள்ளன.

இதன்படி, தேசிய மக்கள் சக்தி சார்பாக போட்டியிட்ட,
சமந்த வித்தியாரத்ன – 208,247
கிட்ணன் செல்வராஜ் – 60,041
அம்பிகா சாமுவேல்- 58,201
ரவிந்து அருண பண்டார – 50,822
சுதத் பலகல்ல- 47,980
தினிது சமன்குமார – 45,902 என விருப்பு வாக்குகளைப் பெற்று பாராளுமன்றத்திற்கு தெரிவாகியுள்ளனர்.

ஐக்கிய மக்கள் சக்தியின் சார்பாக போட்டியிட்ட,
நயன பிரியங்கர வாசலதிலக்க – 35,518
சமிந்த விஜயசிறி – 29,791 என விருப்பு வாக்குகளைப் பெற்று பாராளுமன்றத்திற்கு தெரிவாகியுள்ளனர்.

புதிய ஜனநாயக முன்னணி சார்பில் போட்டியிட்ட,
சாமர சம்பத் தசாநாயக்க -19,359 விருப்பு வாக்குகளைப் பெற்று பாராளுமன்றத்திற்கு தெரிவாகியுள்ளார்.

கடந்த இரு பாராளுமன்றத் தேர்தல்களிலும் ஆளும் கட்சியில் போட்டியிட்ட இரு தமிழ் வேட்பாளர்கள் வெற்றி பெற்றதைப் போன்று இம்முறை தேசிய மக்கள் சக்தியின் சார்பாக பதுளை மாவட்டத்தில் போட்டியிட்ட கிட்ணன் செல்வராஜ் , அம்பிகா சாமுவேல் ஆகியோர் வெற்றி பெற்றுள்ளமை தமிழ் மக்களிடையே மகிழ்ச்சியை ஏற்படுத்தியுள்ளது.

பதுளை மாவட்ட பாராளுமன்ற தேர்தல் வரலாற்றில் முதன்முறையாக தமிழ் பெண் பிரதிநிதியாக அம்பிகா சாமுவேல் தெரிவாகியுள்ளமை மலையக பெண்களின் அரசியல் தலைமைத்துவத்திற்கு சான்றாக அமைந்துள்ளது.

பசறை நிருபர்