அம்பலாங்கொடை, ஊறவத்த பிரதேசத்தில் நேற்று இடம்பெற்ற துப்பாக்கிச் சூட்டு சம்பவத்தில் பெண் ஒருவர் உட்பட இருவர் சம்பவ இடத்தில் உயிரிழந்துள்ளதாக, பொலிஸ் ஊடகப் பேச்சாளர் அலுவலகம் தெரிவித்தது.
மோட்டார் சைக்கிளொன்றில் பயணித்த இருவரே துப்பாக்கிச் சூட்டுக்கு இலக்காகி உயிரிழந்துள்ளதாகத் தெரிவித்த பொலிஸார், இருவரும் அம்பலாங்கொடை, குளிகொட பிரதேசத்தை சேர்ந்த 46 வயதான தம்பதியினரென தெரியவந்துள்ளதாகத் தெரிவித்தனர். துப்பாக்கிச் சூட்டை நடத்திய இனந்தெரியாத நபர்களும் மோட்டார் சைக்கிளிலேயே வந்துள்ளதாகவும் துப்பாக்கிச் சூட்டை நடத்தி விட்டு சந்தேக நபர்கள் தப்பியோடிள்ளதாகவும், பொலிஸார் குறிப்பிட்டனர். துப்பாக்கிச் சூட்டை நடத்திய இனந்தெரியாத நபர்களை கைது செய்வதற்கு பொலிஸார் நடவடிக்கை எடுத்துள்ளனர். இந்தச் சம்பவம் தொடர்பாக பொலிஸார் மேலதிக விசாரணையை நடத்தி வருகின்றனர்.
லோரன்ஸ் செல்வநாயகம்