78
கிளிநொச்சி பொலிஸ் பிரிவிற்குட்பட்ட பொன்னநகர் பகுதியில், முல்லைத்தீவு முகாம் பொலிஸ் விசேட அதிரடிப்படையினர் (STF) மேற்கொண்ட சுற்றிவளைப்பில் 6.21 கி.கி. கேரள கஞ்சாவை வைத்திருந்த சந்தேகநபர் கைது செய்யப்பட்டுள்ளார்.
STF இற்கு கிடைத்த தகவலொன்றின் அடிப்படையில் இச்சுற்றிவளைப்பு மேற்கொள்ளப்பட்டுள்ளது.
கைதான சந்தேகநபர் கிளிநொச்சி, மதீனாநகர் பிரதேசத்தைச் சேர்ந்த 30 வயதானவர் என அடையாளம் காணப்பட்டுள்ளார்.
சந்தேகநபர் கிளிநொச்சி பொலிஸ் நிலையத்தில் ஒப்படைக்கப்பட்டுள்ளதோடு, பொலிஸார் மேலதிக விசாரணைகளை மேற்கொண்டுள்ளனர்.
