119
யாழ்ப்பாணம், கொடிகாமம் பொலிஸ் பிரிவுக்குட்பட்ட பருத்தித்துறை வீதியில் நேற்று முன்தினம் செவ்வாய்க்கிழமை பிற்பகல் இடம்பெற்ற வாகன விபத்தின் போது கோயிலுக்கு சென்ற 15 பேர் படுகாயமடைந்துள்ளனர்.
வல்லிபுர ஆழ்வார் கோயிலுக்கு வாகனமொன்றில் பயணம் செய்தவர்களே இவ்வாறு விபத்துக்குள்ளானதாக தெரிவித்த பொலிஸார், கொடிகாமத்துக்கும் வரணிக்கும் இடைப்பட்ட பிரதேசத்தில் இந்த விபத்து சம்பவித்துள்ளதாகவும் கூறினர்.
இந்த விபத்தில் காயமடைந்தவர்கள் சாவகச்சேரி ஆதார வைத்தியசாலையில் அனுமதிக்கப்பட்டனர். இவர்களில் சிலர் மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்டுள்ளனர். இந்த விபத்து தொடர்பான விசாரணையை கொடிகாமம் பொலிஸார் முன்னெடுத்து வருகின்றனர்.
சாவகச்சேரி விசேட நிருபர்
