இனிய நந்தவன வடமாகாண சிறப்பிதழ் வெளியீட்டு விழா, நாளை 11 ஆம் திகதி பிற்பகல் 2.30 மணிக்கு, முல்லைத்தீவு, விசுவமடு மத்திய சனசமூக நிலைய கேட்போர் கூடத்தில் நடைபெறவுள்ளது.
ஒட்டுசுட்டான் மகா வித்தியாலய அதிபர் கம்பீரக் குரலோன் சி.நாகேந்திரன் தலைமையில் நடைபெறவுள்ள இந்நிகழ்வில், பிரதம விருந்தினராக இலங்கை ஒலிபரப்புக் கூட்டுத்தாபனத்தின் ஆலோசகரும் ஹாஷிம் உமர் பௌண்டேஷன் நிறுவுனருமான புரவலர் ஹாஷிம் உமர் கலந்து கொள்ளவுள்ளார்.
சிறப்பு விருந்தினர்களாக தினகரன், தினகரன் வாரமஞ்சரி பத்திரிகைகளின் பிரதம ஆசிரியர் தே. செந்தில்வேலவர், வவுனியா தமிழ் விருட்சம் தலைவர் சந்திரகுமார் கண்ணன் ஆகியோர் கலந்து சிறப்பிக்கவுள்ளனர்.
இதன்போது ஏற்புரையை இளையகவி திரியாயூரன், அறிமுகவுரையை யோ. புரட்சி, வாழ்த்துரையை ரயூலா திருச் செல்வன், நயப்புரையை எழுத்தாளர் வன்னிமகள் எஸ்.கே.சஞ்சிகா, ஏற்புரையை கவிஞர் நந்தவனம் சந்திரசேகரன் ஆகியோர் நிகழ்த்துவர். இனிய நந்தவனம் சஞ்சிகையின் யாழ்ப்பாணம் ஆலோசகர் யாழ்ப்பாவாணன் நன்றியுரையாற்றுவார்.
