சம்பியனானது ஒரியன்ஸ்

கடாண்டுகம யுனைடெட் விளையாட்டுக்கழகத்தினால் நடத்தப்பட்ட மென்பந்து லீக்  கிரிக்கெட் சுற்றுப் போட்டியில் கெகிராவ ஒரியன்ஸ் விளையாட்டுக் கழகம் சம்பியன் கிண்ணத்தை வென்றது.

கடாண்டுகம பொது விளையாட்டு மைதானத்தில் கடந்த சனிக்கிழமை (06) நடைபெற்ற இறுதிப் போட்டியில் விஜிதபுர டப்ளியு.சி.சி. அணியை எதிர்கொண்ட ஒரியன்ஸ் 15 ஓட்டங்களால் வெற்றியீட்டியது. இந்தத் தொடரில் 13 அணிகள் பங்கேற்றிருந்தன.

இதில் தொடர் நாயகன் விருதை ஒரியன்ஸ் அணியின் சமன் வென்றதோடு சிறந்த பந்து வீச்சாளராக ஒரியன்ஸ் அணியின் அக்ரமும் சிறந்த துடுப்பாட்ட வீரராக யுனைடெட் அணியின் சவாஹிரும் தெரிவாகினர்.