பாகிஸ்தானை வீழ்த்தி நியூசிலாந்து வெற்றி | தினகரன்

பாகிஸ்தானை வீழ்த்தி நியூசிலாந்து வெற்றி

பெண்கள் 20 ஓவர் உலக கிண்ண கிரிக்கெட் போட்டியில் நியூசிலாந்து அணி பாகிஸ்தானை வீழ்த்தி முதல் வெற்றியை பெற்றது.

6-வது பெண்கள் 20 ஓவர் உலக கிண்ண கிரிக்கெட் போட்டி மேற்கிந்திய தீவில் நடந்து வருகிறது.

இதில் நேற்றுமுன்தினம் நடந்த 13-வது லீக் ஆட்டத்தில் ‘பி’பிரிவில் உள்ள இந்திய அணி 52 ஓட்டங்கள் வித்தியாசத்தில் அயர்லாந்தை வீழ்த்தியது. இந்தியாவுக்கு இது 3-வது வெற்றியாகும். இதன் மூலம் இந்தியா அரை இறுதிக்கு முன்னேறியது.

நேற்றுமுன்தினம் நள்ளிரவு நடந்த 14-வது லீக் ஆட்டத்தில் நியூசிலாந்து-பாகிஸ்தான் (பி பிரிவு) மோதின. முதலில் பேட்டிங் செய்தது. நியூசிலாந்து 20 ஓவரில் 6 விக்கெட் இழப்புக்கு 144 ஓட்டங்கள் எடுத்தது. பேட்ஸ் 35 ஓட்டங்களும், டேவின் 32 ஓட்டங்களும் எடுத்தனர்.

பின்னர் விளையாடிய பாகிஸ்தான் 18 ஓவரில் 90 ஓட்டங்களுக்கு சகல விக்கெட்டையும் இழந்தது. இதன் மூலம் நியூசிலாந்து 54 ஓட்டங்கள் வித்தியாசத்தில் வெற்றி பெற்றது.

நியூசிலாந்து பெற்ற முதல் வெற்றி இதுவாகும். ‘பி’ பிரிவில் இருந்து ஏற்கனவே அவுஸ்திரேலியா, இந்தியா ஆகிய அணிகள் அரை இறுதிக்கு தகுதி பெற்றுவிட்டன. நியூசிலாந்து, பாகிஸ்தான், அயர்லாந்து ஆகிய அணிகள் வாய்ப்பை இழந்துவிட்டன.


Add new comment

Or log in with...