Friday, March 29, 2024
Home » புதிய 50 குதிரை வலு Mahindra Yuvo Tech+ 585 உழவு இயந்திரம் அறிமுகம்

புதிய 50 குதிரை வலு Mahindra Yuvo Tech+ 585 உழவு இயந்திரம் அறிமுகம்

- DIMO Agribusinesses - Mahindra Tractors இணைந்து வெளியீடு

by Rizwan Segu Mohideen
October 19, 2023 11:18 am 0 comment

DIMO Agribusinesses மற்றும் அதன் நீண்டகால பங்காளியான Mahindra Tractors உடன் இணைந்து, இலங்கை விவசாய சமூகத்திற்கு சமீபத்திய தொழில்நுட்பத்துடன் கூடிய 50 குதிரை வலு (HP) கொண்ட Mahindra Yuvo Tech+ 585 உழவு இயந்திரத்தை அண்மையில் அறிமுகப்படுத்தியுள்ளது.

Mahindra Yuvo Tech+ 585 உழவு இயந்திரத்தை இலங்கை பாவனையாளர்களுக்கு அறிமுகப்படுத்தும் நிகழ்வு, அநுராதபுரம், கலன்பிந்துனுவெவவில் உள்ள அழகிய வயல்வெளியில், பெருமளவிலான விவசாயிகளின் பங்குபற்றலுடன் இடம்பெற்றது. அத்துடன் இந்நிகழ்வில் கலந்துகொண்ட விவசாயிகளுக்கு இந்த அதிநவீன உழவு இயந்திரத்தை சோதித்து பார்க்கும் வாய்ப்பும் கிடைத்தமை குறிப்பிடத்தக்கது.

மஹிந்திராவின் அடுத்த தலைமுறை Yuvo உழவு இயந்தித் தொடரின் கீழ் தயாரிக்கப்பட்டுள்ள இந்த உழவு இயந்திரம் பல்வேறு தனித்துவமான அம்சங்களுடன் வருவதோடு, இதன் காரணமாக அதன் செயற்றிறன் மற்றும் பல்வகை செயற்பாட்டு அம்ச திறன் மேம்படுத்தப்பட்டுள்ளது. இது கொண்டுள்ள அதிக முறுக்குவிசை (Torque) 197nm மற்றும் 2979 CC திறன் கொண்ட எஞ்சின் மூலம், வழுக்கும் நெல் வயலிலும் மற்றும் போக்குவரத்தின் போதும் அதிக சுமைகளை இழுக்கும் திறனை கொண்ட இந்த உழவு இயந்திரம், சுமார் 1700kg எடையை உயர்த்தும் திறன் கொண்டுள்ளது. இதில் அடங்கியுள்ள உலர் வகை காற்று வடிகட்டி காரணமாக, தொடர்ச்சியான பராமரிப்பு மற்றும் சேவை போன்றன அவசியமில்லை என்பதோடு, வடிகட்டியை சுத்தம் செய்ய வேண்டி ஏற்படும் போது, ​​உழவு இயந்திரத்தை செலுத்துபவர் அதை எளிதாக அறிந்துகொள்ளும் வகையில், பார்வையிடும் திரைப் பலகையில் அது காண்பிக்கப்படும். எஞ்சினை மிகவும் திறமையாகவும் பொருளாதார ரீதியாகவும் வேலை செய்யும் வகையில் இந்த காற்று வடிகட்டி வடிவமைக்கப்பட்டுள்ளது.

இது கொண்டுள்ள இரட்டை கிளச் (Dual Clutch) தொகுதி காரணமாக, கியர் மாற்றும் போது PTO தொகுதியை இடைநிறுத்தாது தொடர்ச்சியாக செலுத்த முடியும். இங்கு PTO செயற்பாட்டை கைகளால் இயக்கக் கூடிய லீவர் மூலம் கையாள முடியும் என்பதால், எஞ்சினால் அதிக நேரம் திறனாககவும் எளிதாகவும் செயற்பட முடியும்.

44.9 HP (குதிரை வலு) முறுக்குவிசை கொண்ட நவீன Slipto தொழில்நுட்பத்துடன் கூடிய, 540 rpm சுழலும் வேகம் கொண்ட, இருபுறமும் சுழற்றக் கூடிய PTO தொகுதி மூலம், உழவு இயந்திரத்துடன் இணைக்கப்பட்ட கருவிகளை மிக எளிதாகவும் திறமையாகவும் கையாள முடியும். Synchro Shuttle தொழில்நுட்பத்துடன் கூடிய பக்க கியர் லீவர் தொகுதியுடன், முன்னோக்கி 12 வேகமும் பின்னோக்கி 12 வேகங்களும் காணப்படுவதன் காரணமாக, குறைந்த அளவிலான எரிபொருளை பயன்படுத்தி வயல்வெளியிலும் போக்குவரத்தின் போதும் அதிக செயற்றிறனுடன் அதிக வேலைகளை உழவு இயந்திர செலுத்துனரால் எளிதாக நிறைவு செய்ய முடியும். அதிக திறன் கொண்ட ஹைட்ரோலிக் பம்பி மூலம் அதிக உயர்த்தும் திறன் கொண்ட, மிகவும் துல்லியமாக செயற்படும் தொழில்நுட்பத்தைக் கொண்ட இது, ஒரே அளவிலான ஆழத்தில் மண்ணை பண்படுத்தும் திறனையும் கொண்டுள்ளது.

ஆழமான தவாளிப்புகள் கொண்ட, முன்புறம் (9.5×20) மற்றும் பின்புறம் (14.9×28) எனும் பெரிய அளவிலான டயர்கள் மூலம் தரைக்கும் உழவு இயந்திரத்திற்கும் இடையிலான உயரம் அதிகரிக்கப்பட்டுள்ளதன் மூலம், புதையும் தன்மை கொண்ட வயலிலும் கூட இந்த நவீன உழவு இயந்திரத்தை எளிதாக கையாள முடியும்.

புதிய 50 HP வகை Mahindra Yuvo Tech+ 585 உழவு இயந்திரத்தின் அறிமுகம் தொடர்பில் DIMO பணிப்பாளர் ரஜீவ் பண்டிதகே கருத்து வெளியிடுகையில், “அடுத்த தலைமுறை விவசாயத்தை நாட்டிற்கு அறிமுகப்படுத்துவதன் மூலம் உள்ளூர் விவசாயத்தில் இயந்திரமயமாக்கல் செயன்முறையை மேம்படுத்துவதற்காக DIMO Agribusinesses எப்போதும் உறுதிபூண்டுள்ளது. அத்துடன் அடுத்த தலைமுறையினரிடம் விவசாயம் தொடர்பான நிலைபேறான வளர்ச்சியை ஏற்படுத்தவும், உள்ளூர் விவசாய சமூகத்தினரின் கனவுகள் மற்றும் அபிலாஷைகளை நனவாக்குவதற்கும் நாம் தொடர்ந்தும் பணியாற்றி வருகிறோம். இந்த நவீன Mahindra Yuvo Tech+ 585 உழவு இயந்திரமானது, உள்ளூர் விவசாயத்தின் செயற்றிறனை மேம்படுத்துவதன் மூலம் எமது நாட்டின் விவசாய சமூகத்தையும் மேம்படுத்தும் என நாம் நம்புகிறோம்.” என்றார்

4 வருட உத்தரவாதத்துடன் வழங்கப்படும் இந்த புத்தம் புதிய உழவு இயந்திரம், உள்ளூர் விவசாயத் துறையின் வளர்ச்சியில் புரட்சிகரமான மாற்றத்தை நிச்சயம் கொண்டுவரும் என்பதில் ஐயமில்லை.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT