Home » 14 மொழிகளை கற்றறிந்து, அரபு மொழிக்காக வாழ்நாளை அர்ப்பணித்த ஆளுமை கலாநிதி V. அப்துர் ரஹீம்

14 மொழிகளை கற்றறிந்து, அரபு மொழிக்காக வாழ்நாளை அர்ப்பணித்த ஆளுமை கலாநிதி V. அப்துர் ரஹீம்

by Rizwan Segu Mohideen
October 26, 2023 8:40 am 0 comment

அரபு மொழியை தாய்மொழியாக பேசாதவர்களுக்கு அரபு மொழியை கற்றுக் கொடுப்பதற்காக தமது வாழ்நாளில் பெரும் பகுதியை ஒதுக்கி சேவை செய்த ஆளுமை அப்துர் ரஹீம் அவர்கள் கடந்த வியாழக்கிழமை இவ்வுலகை விட்டுப் பிரிந்தார்.

இந்தியாவை பிறப்பிடமாக கொண்ட அறிஞர் அப்துர் ரஹீம் அவர்கள் எழுதிய*துரூஸுல் லுகதில் அரபிய்யஹ் ” எனும் புத்தகத்தை தெரியாத அரபிக் கல்லூரி மாணவர்கள் யாரும் இருக்க மாட்டார்கள்.

சவூதி அரேபியாவின் மதீனா நகரில் உள்ள இஸ்லாமிய பல்கலைக்கழகத்தில் அமைந்துள்ள அரபி அல்லாத மாணவர்களுக்கு இரண்டாம் மொழியாக அரபு மொழியை கற்பதற்கான ஒரு பிரிவு அமைக்கப்பட்டது. அதற்கான பாடத்திட்டத்தை தயாரிப்பதில் பெரும் பங்காற்றியவர் அறிஞர் அப்துர் ரஹீம் அவர்கள்.

மேலும் சில காலம் அதன் பொறுப்பாளராக செயற்பட்டார். அதே நேரத்தில், அவர் அதே பல்கலைக்கழகத்தில் அரபு மொழி பீடத்தில் விரிவுரையாளராக கடமையாற்றினார், சுமார் 26 வருடங்கள் மதீனா இஸ்லாமிய பல்கலைக்கழகத்தில் பணியாற்றினார் .பல பல்கலைக்கழக ஆய்வறிக்கைகளை மேற்பார்வையிட்டார். கலாநிதி அப்துர் ரஹீம் அவர்கள் மதீனாவில் அமைந்துள்ள மன்னர் பஹ்த் அல்-அச்சகத்தின் மொழிபெயர்ப்பு மையத்தின் பொறுப்பாளராகவும் கடமையாற்றினார். அறிஞர்களை கெளரவித்து அவர்கள் மூலம் உலகுக்கு சேவைகளை பெற்றுக்கொடுக்க சவூதி அரேபியாவின் பங்கு அளப்பரியது. அந்த வகையில் கலாநிதி அப்துர் ரஹீம் அவர்கள் சவூதி அரேபியாவில் அவரது வாழ்நாள் இறுதி வரை தங்குமிடமாக எடுத்துக்கொண்டார்.

அவர்கள் உலக மக்கள் குர்ஆன் மொழி அரபியை அனைவரும் கற்கவேண்டும் நேரடி பொருள் தெரிந்து படிக்க வேண்டும் அரபி தெரியாத மக்கள் எளிய முறையில் அரபி கற்க வேண்டும் என்ற தூய நோக்கத்துடன் அவருடைய வாழ்க்கையில் பெரும் பகுதியை செலவிட்டார்.

இதுவரை 50 க்கும் மேற்பட்ட நூல்களை எழுதியுள்ளார்கள். அவரின் நூல்கள் உலகத்தில் பல்வேறு மொழிகளில் மொழிபெயர்த்துள்ளார்கள்.

அல்லாஹ் அறிஞர் அப்துர் ரஹீம் அவர்களின் பிழைகளை மன்னித்து ஜன்னத்துல் பிர்தவ்ஸ் எனும் சுவனத்தில் பிரவேசிக்க செய்வானாக….

அஷ்ஷெய்க் பௌஸுல் அலவி
செயலாளர்,
தாருள் இமான் நிறுவனம்

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT