மனைவி நினைவாக கோயில் அமைக்கும் நபர்

மனைவி மறைந்த பின்னர் இழப்பை தாங்க முடியாமல் மனைவி நினைவாக கோயில் கட்டி வருகிறார் திருப்பதி டி.எஸ்.பி.

ஆந்திர மாநிலம் திருப்பதி மாவட்ட டி.எஸ்.பி. முனி ராமையா. துணை ஆய்வாளராக பணியை தொடங்கி டி.எஸ்.பியாக பதவி உயர்வு பெற்று பணியாற்றி வருகிறார். அழகான மனைவி, அன்பான 3 குழந்தைகள் என இவர்களது குடும்பத்தில் கடந்த 2015ஆம் ஆண்டு சோகம் ஏற்பட்டது. முனிராமையாவின் மனைவி ஸ்ரீவானி உடல்நலக் குறைவால் காலமானார்.

மனைவியை பற்றி பேசும்போது முனி ராமையாவுக்கு கண்ணீர் பெருக்கெடுக்கிறது.

நான் வேலைக்காக வெளியே சென்றிருந்தால் ஒவ்வொரு நொடியும் என்னைப் பற்றியே நினைத்துக் கொண்டிருப்பார். சாப்பிடும் நேரம் வந்தால் மிகச் சரியாக போன் செய்து அக்கறையோடு என்ன சாப்டீங்க, எங்க சாப்டீங்க என கேட்பார். இரவு எவ்வளவு நேரம் தாமதமானாலும் எனக்காக காத்திருப்பார். இருவரும் ஒன்றாகவே சாப்பிடுவோம். எனக்கு 500க்கும் மேற்பட்ட பரிசுகள் கிடைக்க என் மனைவியே காரணம். வானிக்கு செம்பருத்தி பூ என்றால் கொள்ளைப் பிரியம் என்றார்.

மனைவியின் நினைவாக வீட்டில் அவரது உருவச் சிலையை வைத்துள்ளார். தினமும் காலையில் அந்த மனைவியின் சிலையை பார்த்து அலங்கரித்துவிட்டுச் செல்வார்.

மனைவிக்காக கட்டும் கோயிலுக்காக ராஜஸ்தானில் இருந்து சலவைக் கற்களை வரவழைத்துள்ளார். அதுபற்றி அவர் கூறுகையில், ராஜஸ்தானில் மக்ரானா என்ற இடத்தில் தான் தாஜ்மஹால் கட்டுவதற்கான கல் எடுக்கப்பட்டிருக்கிறது. அங்குதான் என் மனைவியின் கோயிலை அமைக்க சலவைக் கற்களை வாங்கச் சென்றேன்.

10 நாட்கள் விடுமுறை எடுத்து விட்டு மாதிரி சிலை அமைத்து பெற்று வந்தேன்.

அவ்வப்போது சென்று பார்ப்பதற்காகவும், மன அமைதிக்காவும் இந்தக் கோயிலை கட்டுகிறேன்.

முடிவடைய உள்ள நிலையில் இருக்கும் கோயிலுக்கு சென்றுவிட்டு வரும்போது புதிய சக்தி கிடைப்பதாக உணர்கிறேன் என்றார் கண்ணீருடன். 


Add new comment

CAPTCHA
This question is for testing whether or not you are a human visitor and to prevent automated spam submissions.
19 + 1 =
Solve this simple math problem and enter the result. E.g. for 1+3, enter 4.

Or log in with...